Спецоперация России по защите Донбасса - Sputnik Кыргызстан, 1920, 28.02.2022
Россиянын Донбассты коргоо боюнча атайын операциясы
Россия ДЭР, ЛЭРдин эркиндигин тааныды. 24-февралда Путин Донбасста атайын операция башталганын жарыялады. РФ Коргоо министрлиги Украинанын Куралдуу күчтөрүнүн аскердик инфратүзүмү, аэродромдору, абадан коргонуу объектилери талкалангандыгын кабарлаган.

SWIFT: Кыргызстандын банктары кыйчалыш абалга кептелбейби? УБнын жообу

© AFP / JACQUES COLLETSWIFT системасынын логотиби. Архив
SWIFT системасынын логотиби. Архив - Sputnik Кыргызстан, 1920, 28.02.2022
Жазылуу
Улуттук банк чет өлкөлөрдүн, ЕАЭБ жана КМШ өлкөлөрүнүн банктары менен корреспонденттик мамилелер боюнча келишимдер түзүлгөндүктөн төлөмдөр үзгүлтүккө учурабайт деп ишендирүүдө.
БИШКЕК, 28-фев. — Sputnik. Кыргызстандагы коммерциялык банктарынын көпчүлүгү Улуттук банк аркылуу же түздөн-түз SWIFT системасына туташтырылгандыктан Россиянын айрым банктарын SWIFT системасынан өчүрүү тобокелдиги жергиликтүү банк кардарларынын төлөмдөрүн токтотууга алып келбейт. Бул туурасында Улуттук банктын маалымат кызматы тараткан билдирүүдө айтылат.
Мындан тышкары, Улуттук банктын талабына ылайык, коммерциялык банктар финансылык билдирүүлөрдү жөнөтүү үчүн альтернативдүү байланыш каналдарына ээ экендигин билдиришкен.
"Кыргызстандын улуттук төлөм системасы жана акча которуу системалары штаттык режимде иштеп жатат. Башка өлкөдө болуп жаткан жагдайдын улуттук төлөм системасынын жана акча которуу системаларынын иштешине тийгизген таасиринин деңгээли минималдуу болуп саналат", — деп билдирди Улуттук банктан.
Чет өлкөлөрдүн, ЕАЭБ жана КМШ өлкөлөрүнүн банктары менен корреспонденттик мамилелер боюнча келишимдер түзүлгөндүктөн төлөмдөр үзгүлтүккө учурабайт дешти.
"Кыргызстандын банк системасы өзүнүн туруктуулугун сактап турат. Коммерциялык банктар штаттык режимде иштеп жатат жана Улуттук банк сыяктуу эле эл аралык төлөм системалары боюнча да кызмат көрсөтүүлөрдү кошуу менен кардарларга банк кызматтарын толук көрсөтүшүүдө. Кыргызстандын банктарынын алыскы чет өлкөлөрдүн, ЕАЭБ жана КМШ өлкөлөрүнүн банктары менен корреспонденттик мамилелер боюнча келишимдери бар. Алар өлкөнүн чегинен тышкары товар менен кызмат көрсөтүүлөргө төлөмдөрдү үзгүлтүксүз жүргүзүүгө мүмкүндүк берет", — деп айтылган маалыматта.
Улуттук банктын эл аралык резерв көлөмү жетиштүү жана товарлар, кызмат көрсөтүүлөр боюнча алдыдагы алты айлык көлөмдүн ордун жабат. 2022-жылдын 26-февралына карата абал боюнча Улуттук банктын эл аралык резерв көлөмү 2 768 млн. долларды түзгөн.
"Улуттук банк тышкы финансы рынокторундагы, соода боюнча өнөктөш өлкөлөрдүн экономикасындагы кырдаалга туруктуу негизде байкоо жүргүзүп, көзөмөлдөөдө. Зарыл болгон учурда өлкөнүн банк жана төлөм системаларынын туруктуулугун андан ары камсыз кылуу үчүн тиешелүү чараларды көрөт", — деп кошумчалаган аталган банктан.
Эске салсак, Россия менен Украинанын азыркы чыңалган мамилесинен улам Евробиримдикке кирген мамлекеттер Россияны SWIFT эл аралык банктык төлөм системасынан чыгаруу боюнча маселе көтөрүлгөн. Кечээ, 27-февралда, Еврокомиссиянын башчысы Урсула фон дер Ляйен ЕБ өлкөлөрүнүн лидерлерине россиялык банктарды SWIFT системасынан өчүрүүнү сунуштаарын айтканын ЖМКлар жазып чыкты. Ал эми Дүйнөдөгү банктар аралык финансылык телекоммуникациялар коому (SWIFT) европалык өлкөлөрдүн тиешелүү "укуктук көрсөтмөсүнөн" кийин Россиянын бир катар банктарына салынган санкция боюнча чечимдерди аткарууга даяр экенин билдирди.
SWIFT — бул дүйнөдөгү бардык финансылык уюмдар жүргүзүлгөн операциялар боюнча маалымат алышып-беришип турчу система.
Сом жана доллар купюралары. Архив - Sputnik Кыргызстан, 1920, 27.02.2022
Улуттук банк доллардын курсу дагы өсөбү деген жоромолдорго жооп берди
Бир доллар купюра. Иллюстративдик сүрөт - Sputnik Кыргызстан, 1920, 25.02.2022
Кыргызстанда доллардын курсу мындан ары кандай болору божомолдонду
Жаңылыктар түрмөгү
0