Дүрбөлөң түшүп, учакка жармашкан афгандар. Кабулдагы аэропорттон видео

© AFP 2023 / SHAKIB RAHMANIКабул шаарынын аэропортундагы адамдар
Кабул шаарынын аэропортундагы адамдар - Sputnik Кыргызстан, 1920, 16.08.2021
Жазылуу
Талибдер кечээ Кабулду алып, Афганистанды толугу менен өзүнө каратты. Бүт чек ара өтмөктөрүнө да көзөмөл кылууда.

БИШКЕК, 16-авг. — Sputnik. Кабулдагы аэропортко чогулган эл учуу тилкесине кирип келишкенде Американын аскерлери асманга ок чыгарып артка кайтарды.

Ал эми Sputnik Ближнее зарубежье Telegram каналы аба майданга келгендер дүрбөлөң түшүп жатканын жазды.

Өлкөдөн аба каттамдары менен гана чыгып кетүүгө болот. Ар дайымкы каттамдар жок. Учурда аскердик-транспорттук самолеттер эле учуп жатат.

Кечээ көптөгөн афганистандык адамдар, ошондой эле бийликте отурган лидерлер дагы Өзбекстандын чек арасы тарапта топтолуп турганы кабарланган.

Эскерте кетсек, кечээ, 15-август күнү, "Талибан"* кыймылы акыркы болуп борбор калаа Кабулду алып, Афганистанды толугу менен өзүнө каратты. Бүт чек ара өтмөктөрүнө да көзөмөл кылууда. Уюмдун мындай аракети АКШ менен НАТОнун аскер күчтөрү чыгарылган соң күчөгөн.

* — Кыргызстан жана бир катар мамлекеттерде тыюу салынган уюм

Жаңылыктар түрмөгү
0