БИШКЕК, 6-авг. — Sputnik. 7-августка караган түнү жаан-чачын болбойт. Күндүз тоолуу райондордо өткүн өтүп, күн күркүрөйт. Дыйканчылык аймактарда күн ачык болуп, ысык 38 градуска жетет. Бул тууралуу Кыргызгидромет билдирди.
Батыштан соккон шамалдын ылдамдыгы секундасына 4-9, ал эми айрым жерлерде 15-20 метрге жетет.
Абанын температурасы Чүйдө +31...+36, Талас аймагында +30...+35, Ош, Баткен жана Жалал-Абадда +33...+38, Ысык-Көл, Нарын облустарында +23...+28 градус болот.
Борбор калаада термометр +31...+33, Ош шаарында +35...+37, ал эми Чолпон-Атада +24...+26 градусту көрсөтүп турат.
