Адам (албетте, өзү ниет кылса) акча деген эмне экенин, анын кандай жол менен табыларын жана кантип туура пайдаланууну так түшүнүп алуусу керек.
Кыргызстанда көптөр аз маяна аларын айтып наалып келишет, бирок жакырчылыктан бардар адам болуп көтөрүлгөн мисалдар толтура.
Андыктан тапкан акчаңыз аз болсо, кол куушуруп отуруп калбаңыз. Кээ бир жакшы адаттардын аркасында карыздан кутулуп, ал тургай бутка туруп кетүүгө болот. Алардын ана башында чыгымдардын эсеп-чотун алуу жана акча топтоо деген жакшы кадамдар турат.
Анткен менен корпорация кожоюндарына каршы айбат көрсөтө турган кичинекей топ пайда болуп, анын башында Жеңишбек Конокбаев турду. Бул бала терминаторду өткөнкү жашоого жөнөтүү үчүн кайра программалап чыкты. Максаты — элге акчаны кантип туура пайдаланууну үйрөтүү жана калкка каршы чыккандардын тилегин таш каптыруу эле. Адамзаттын тагдыры эки роботтун салгылашындагы жеңишке жараша чечилмек...
"Sputnik мультфильми" — Sputnik Кыргызстан маалымат агенттигинин окурманга дүйнөдө болуп жаткан экономикалык, социалдык, саясий жана башка татаал процесстерди каймана чагылдырып бере турган долбоору.
"Sputnik мультфильми" агенттиктин окурмандары көнүп калган адаттагы башка материалдарына окшобогону менен бирөөнүн намысына шек келтирүү максатын көздөбөйт. Мультфильмдеги кадрларды коштоо жана материалды берүү үчүн зарыл болгон тексттер окулуп, анын ичинен сленг колдонулат.
