Кыргызстанда электрондук мектеп ачылат. Анда кимдер окуй алат

© Sputnik / Абзал КалиевОнлайн сабак окуп жаткан окуучу. Архив
Онлайн сабак окуп жаткан окуучу. Архив - Sputnik Кыргызстан, 1920, 12.04.2021
Жазылуу
Онлайн-мектеп ачылгандан тарта ооруп калган балдар окуу процессин үзгүлтүккө учуратпай билим ала беришет. Бул долбоордун чет элдеги этникалык кыргыздарга дагы пайдасы тиймекчи.
БИШКЕК, 12-апр. — Sputnik. Кыргызстанда электрондук мектеп ачуу аракети көрүлүп жатат. Бул тууралуу билим берүү жана илим министри Алмазбек Бейшеналиев 2021-2023-жылдарга карата министрликтин программасы менен тааныштырып жатып айтты.
"Кошумча жана мектептен тышкары билим берүү максатында электрондук мектеп ачылганы турат. Долбоорду Дүйнөлүк банктын колдоосу менен ишке ашыруу үчүн сүйлөшүүлөр жүргүзүлүүдө", — деди министр.
Электрондук мектеп алты багытты камтыйт:
  • пандемия сыяктуу аралыктан билим берүүнү талап кылган жагдай түзүлүп калса окуу процессин үзгүлтүккө учуратпай туруп, ушул мектеп аркылуу окута берүүгө болот;
  • чет өлкөлөрдө жашаган этникалык кыргыздарга кыргыз тили, кыргыз тарыхы боюнча сабак алууга шарт түзүлөт;
  • жыл ортосунда чет мамлекетке көчүп кетип жаткан мигранттардын балдары, чейректи же окуу жылын аягына чейин Кыргызстанда аралыктан окуп бүтсө болот;
  • жетишпеген мугалимдердин орду толтурулат. Кайсы бир сабак боюнча мугалим жок болсо, ал мектепке окутуучу табылганга чейин балдар башка мектептин мугалиминен онлайн-сабак ала берет;
  • саламаттыгына байланыштуу кыска убакытка сабакка келе албай калган балдар үйдө, ооруканада болгон учурда деле онлайн-форматта окуусун уланта берет;
  • алыскы райондордо жашап, ден соолугу жагынан мүмкүнчүлүгү чектелген балдар орто билими тууралуу аттестат алганга чейин онлайн-мектептен билим ала алат.
Жаңылыктар түрмөгү
0