https://sputnik.kg/20210408/shchiib-bashchysy-ajzada-kechirim-suroo-1052040935.html
Бишкек милициясынын башчысы Айзаданын жакындарынан кечирим сурады
Бишкек милициясынын башчысы Айзаданын жакындарынан кечирим сурады
Sputnik Кыргызстан
Белгилей кетсек, буга чейин соцтармак колдонуучулары Матмусаев менен ИИМ башчысынын кызматтан кетишин талап кылышкан. 08.04.2021, Sputnik Кыргызстан
2021-04-08T11:33+0600
2021-04-08T11:33+0600
2021-12-14T14:27+0600
жаңылыктар
коом
кыргызстан
айзада канатбекова
бакыт матмусаев
бишкек
шииб
кечирим
бишкекте 27 жаштагы кыздын уурдалып, өлтүрүлүшү
https://sputnik.kg/img/103404/83/1034048342_0:0:4807:2717_1920x0_80_0_0_c1e2cac8a7f6176f4a8cf8156cf4df99.jpg
БИШКЕК, 8-апр. — Sputnik. Бишкек шаардык ички иштер башкармалыгынын начальниги Бакыт Матмусаев борбор калаада уурдалып, кийин киши колдуу болгон Айзада Канатбекованын жакындарынан кечирим сурады.Матмусаевдин айтымында, милиция 5-апрелден бери кызды жана аны ала качкан адамдарды күнү-түнү издеген. Ал кылмышкерлер тиешелүү жазасын аларын убадалады.Белгилей кетсек, буга чейин соцтармак колдонуучулары Матмусаев менен ИИМ башчысынын кызматтан кетишин талап кылышкан. Алар Айзаданы алып качкан учурдун видеосу бар экенине карабай, аны убагында сактай албаганына нааразы болуп чыгышкан.Айзаданын өлүмүЭске салсак, 5-апрель күнү эртең менен саат 7:30дар чамасында Медеров жана Тыныстанов көчөлөрүнүн кесилишинен үч бала 27 жаштагы кызды кызыл түстөгү унаага салып кеткен. Бул учур ошол жердеги кафенин видео байкоосуна тартылып калган. Милиция тарабынан изделип жаткан автоунаа 7-апрелде Чүйдөгү Арашан менен Чокморов айылдарынын ортосунан табылган.Жергиликтүү чабан автоунааны 5-6-апрель күндөрү эле көргөнүн айтып, бирок маани бербегенин билдирген. Ал 7-апрелде гана автоунаанын жанына барып, салондун ичинен эки адамдын сөөгүн көрүп дароо милицияга чалган. Милициянын алдын ала божомолу боюнча, 36 жаштагы киши уруш-талаштан кийин кызды муунтуп, андан кийин өзүн бычактап, өмүрүн кыйган.Милициянын ыкчам-тергөө тобу тарабынан кызды ала качууга катыштыгы бар делген адамдар изделип, жыйынтыгында 29 жаштагы Р.А. аттуу шектүү кармалган. Ал Тергөө кызматына жеткирилип, Жазык-процесстик кодексинин 98-беренесинин негизинде Бишкек ШИИБдин убактылуу кармоочу жайына киргизилген.Күч органдары учурда дагы эки шектүүнүн жүргөн жерин аныктап, кармоо боюнча ыкчам-издөө иш-аракеттери жүрүп жатканын билдирди.Белгилей кетсек, кыздын туугандары аны 5-апрелде эле издеп башташкан. Биринчи май райондук милицияга арыз жазып, бирок издөө иштери кечеңдеп жатканына нааразы болушкан.
https://sputnik.kg/20210408/kyzdyn-olumu-sottolgon-uj-buloluu-1052040610.html
https://sputnik.kg/20210408/deputattar-iim-bashchysyn-chakyrdy-1052040291.html
бишкек
Sputnik Кыргызстан
media@sputniknews.com
+74956456601
MIA „Rossiya Segodnya“
2021
Sputnik Кыргызстан
media@sputniknews.com
+74956456601
MIA „Rossiya Segodnya“
Жаңылыктар
kg_KG
Sputnik Кыргызстан
media@sputniknews.com
+74956456601
MIA „Rossiya Segodnya“
Sputnik Кыргызстан
media@sputniknews.com
+74956456601
MIA „Rossiya Segodnya“
жаңылыктар, коом, кыргызстан, айзада канатбекова, бакыт матмусаев, бишкек, шииб, кечирим, бишкекте 27 жаштагы кыздын уурдалып, өлтүрүлүшү
жаңылыктар, коом, кыргызстан, айзада канатбекова, бакыт матмусаев, бишкек, шииб, кечирим, бишкекте 27 жаштагы кыздын уурдалып, өлтүрүлүшү
Бишкек милициясынын башчысы Айзаданын жакындарынан кечирим сурады
11:33 08.04.2021 (Жаңыртылды: 14:27 14.12.2021) Белгилей кетсек, буга чейин соцтармак колдонуучулары Матмусаев менен ИИМ башчысынын кызматтан кетишин талап кылышкан.
БИШКЕК, 8-апр. — Sputnik. Бишкек шаардык ички иштер башкармалыгынын начальниги Бакыт Матмусаев борбор калаада уурдалып, кийин киши колдуу болгон Айзада Канатбекованын жакындарынан кечирим сурады.
"ИИМ кызматкери, Кыргызстандын жараны жана ата катары Айзада тууралуу жаңылыкты өтө оор кабыл алдым. Шаардык милициянын атынан кыздын жакындарынан, туугандарынан кечирим сурайм. Биз аны сактай албадык. Баарыбыздын кыздарыбыз, карындаштарыбыз бар. Ала качуу — бул оор кылмыш", — деди ал.
Матмусаевдин айтымында, милиция 5-апрелден бери кызды жана аны ала качкан адамдарды күнү-түнү издеген. Ал кылмышкерлер тиешелүү жазасын аларын убадалады.
Белгилей кетсек, буга чейин соцтармак колдонуучулары Матмусаев менен ИИМ башчысынын кызматтан кетишин талап кылышкан. Алар Айзаданы алып качкан учурдун видеосу бар экенине карабай, аны убагында сактай албаганына нааразы болуп чыгышкан.
Эске салсак, 5-апрель күнү эртең менен саат 7:30дар чамасында Медеров жана Тыныстанов көчөлөрүнүн кесилишинен үч бала 27 жаштагы кызды кызыл түстөгү унаага салып кеткен. Бул учур ошол жердеги кафенин видео байкоосуна тартылып калган. Милиция тарабынан изделип жаткан автоунаа 7-апрелде Чүйдөгү Арашан менен Чокморов айылдарынын ортосунан табылган.
Жергиликтүү чабан автоунааны 5-6-апрель күндөрү эле көргөнүн айтып, бирок маани бербегенин билдирген. Ал 7-апрелде гана автоунаанын жанына барып, салондун ичинен эки адамдын сөөгүн көрүп дароо милицияга чалган. Милициянын алдын ала божомолу боюнча, 36 жаштагы киши уруш-талаштан кийин кызды муунтуп, андан кийин өзүн бычактап, өмүрүн кыйган.
Милициянын ыкчам-тергөө тобу тарабынан кызды ала качууга катыштыгы бар делген адамдар изделип, жыйынтыгында 29 жаштагы Р.А. аттуу шектүү кармалган. Ал Тергөө кызматына жеткирилип, Жазык-процесстик кодексинин 98-беренесинин негизинде Бишкек ШИИБдин убактылуу кармоочу жайына киргизилген.
Күч органдары учурда дагы эки шектүүнүн жүргөн жерин аныктап, кармоо боюнча ыкчам-издөө иш-аракеттери жүрүп жатканын билдирди.
Белгилей кетсек, кыздын туугандары аны 5-апрелде эле издеп башташкан. Биринчи май райондук милицияга арыз жазып, бирок издөө иштери кечеңдеп жатканына
нааразы болушкан.
