https://sputnik.kg/20210201/ulukbek-maripov-tuuraluu-fakty-1051299817.html

Дарыгер, экс-депутаттын уулу. Улукбек Марипов тууралуу 7 факты

Дарыгер, экс-депутаттын уулу. Улукбек Марипов тууралуу 7 факты

Sputnik Кыргызстан

Премьер-министрлик кызматка Эсеп палатасынын төрагасы Улукбек Мариповдун талапкерлиги көрсөтүлдү. Аны өкмөт башчылыкка "Республика — Ата-Журт" фракциясы... 01.02.2021, Sputnik Кыргызстан

2021-02-01T13:33+0600

2021-02-01T13:33+0600

2021-12-14T14:27+0600

жаңылыктар

кыргызстан

саясат

улукбек марипов

өкмөт башчы

талапкер

эсеп палатасы

кызмат

факты

жаңы өкмөт башчыны дайындоо

https://sputnik.kg/img/07e5/02/01/1051299603_0:0:2401:1358_1920x0_80_0_0_469c67a2fc9660477cfb4bc82613e5f8.jpg

Өкмөттү жетектей турган Марипов тууралуу Sputnik Кыргызстан агенттиги кызыктуу фактыларды чогултту. Улукбек Мариповдун үй-бүлөсү, бала чагы, жакындары тууралуу маалыматтар атасы Асамидин Мариповдон алынды.Белгилүү дарыгердин уулу. Улукбек Марипов 1979-жылы 30-августта Ош облусунун Ноокат районуна караштуу Кыргыз-Ата айылында туулган. Ошол эле айылдагы мектепти артыкчылык менен бүтүргөн. Атасы Асамидин Марипов КРдин эмгек сиңирген дарыгери. Мындан сырткары, Жогорку Кеңештин эки жолку депутаты болгон. Учурда Ноокат аймактык ооруканасынын директору болуп иштейт. 73 жаштагы Асамидин Марипов коронавирус пандемиясы менен күрөшүү үчүн болгон күч-аракетин жумшап, аймакта бир топ адамдын өмүрүн сактап калган. Жакында бул эмгеги үчүн "Манас" орденин алган. Улукбек Мариповдун апасы Кыргыз-Ата айылындагы мектепте 6-7 жыл мектеп директору болуп эмгектенип, кийин 16 жыл аталган аймакта айыл өкмөт башчысы болуп иштеген. Азыркы учурда пенсияда.Иниси — аким, эжеси — дарыгер. Улукбек Марипов беш бир тууган. Анын экөө эркек, үчөө кыз, өзү үйдүн үчүнчүсү. Атасынын айтымында, балдарынын баары мектепти да, жогорку окуу жайларды да артыкчылык менен аякташкан. Улукбек Мариповдун улуу эжеси Жамиля Марипова учурда Бишкек шаарындагы перинаталдык борбордо башкы дарыгер, медицина илимдеринин кандидаты. Кичүү иниси Бактыбек Марипов учурда Ноокат районунун акими. Буга чейин ал Кыргыз-Ата айылынын башчысы болуп, кыштакты таза суу менен камсыз кылган. Ал үчүн былтыр аталган айыл республика боюнча мыкты аталган. Аким болуп Бактыбек Марипов 2020-жылы октябрь окуяларынан кийин келген.Үй-бүлөсү. Улукбек Марипов эки уул, эки кыздын атасы. Келинчеги Назгүл Марипова буга чейин Жогорку Кеңештеги эл аралык протоколдо эксперт болуп иштеген. Учурда өргүүдө.Билими, эмгек жолу. Улукбек Марипов Оштогу техникалык университетин аяктаган. Ошондой эле Ош мамлекеттик университетинен финансы жана кредит, юриспруденция адистиги боюнча бүтүргөн.Эмгек жолун "Кызыл Кетмен" дыйкан чарбасында жетекчи болуп баштап, 2001-жылы Финансы министрлигинде жетектөөчү адис болуп эмгектенген. Кийин Финансы министрлигинин кирешелер боюнча комитетинин төрагасынын жардамчысы, Баткен облусунун губернаторунун жардамчысы, Жогорку Кеңеш депутатынын консультанты болуп иштеген. 2006-жылдан тарта президенттин администрациясынын уюштуруу иштери, көзөмөлдөө жана мамлекеттик башкаруу саясаты бөлүмүндө эксперт болуп, кийин президенттин администрациясынын уюштуруу жана мамлекеттик башкаруу саясаты бөлүмүндө мамлекеттик инспектор болгон.Атамбаевдин жардамчысы. Улукбек Марипов 2011-жылдын декабрынан 2015-жылдын апрелине чейин КР президентинин, тагыраагы, Алмазбек Атамбаевдин жардамчысы болгон. Андан кийин бир жыл президенттин аппаратынын жетекчисинин биринчи орун басары болуп эмгектенген.Эсеп палатасын беш жыл башкарган. Марипов 2016-жылы Эсеп палатасынын төрагасы болуп дайындалып, азыркы мезгилге чейин аталган кызматты жетектеп келген.Шадиевдин өкүл баласы эмес. Буга чейин айрым ЖМКлар Улукбек Мариповду Аскарбек Шадиевдин өкүл баласы экенин жазып чыгышкан. Өкмөт башчылыкка көрсөтүлүп жаткан талапкердин атасынын айтымында, уулу экс-депутат Шадиевдин өкүл баласы эмес. Болгону экөө кайсы бир жылдары чогуу иштешкен.

2021

Жаңылыктар

kg_KG

жаңылыктар, кыргызстан, саясат, улукбек марипов, өкмөт башчы, талапкер, эсеп палатасы, кызмат, факты, жаңы өкмөт башчыны дайындоо