Жаңы канайым жана аны жандап отурган уул-кызы. Фотофакт

Жазылуу
Бүгүн президент Садыр Жапаровдун инаугурациясы өтүп, иш-чарага анын жакын адамдарынын баары катышкан. Алардын арасында мамлекет башчынын жубайы Айгүл Асанбаева жана балдары бар.

Президенттин ант берүү аземи Токтогул Сатылганов атындагы Кыргыз улуттук филармониясында өттү. Иш-чарага өлкөнүн мурдагы президенттери, өкмөт башчы, төрагалары, эл аралык уюмдардын, дипломатиялык өкүлчүлүктөрдүн өкүлдөрү катышкан. Ошондой эле маданият, спорт тармагына эмгеги сиңген адамдар да келген. Президенттин маалымат кызматы кабарлагандай, инаугурацияга келген коноктордун 70 пайыздан ашыгы жөнөкөй эл болгон.

Досрочные выборы президента Кыргызстана - Sputnik Кыргызстан
Шайлоого катышкан. Канайым Айгүл Асанбаева тууралуу кызыктуу фактылар
Сүрөттө Садыр Жапаровдун бет кап тагынган аялы Айгүл Асанбаеваны көрүүгө болот. Ал эми анын оң жагында уулу, сол жагында кызы Жанайым отурганын президенттин маалымат кызматынан кабарлашты. Мамлекет башчынын жакындары филармонияда алдыңкы катардан орун алышкан.

Эске салсак, Айгүл Асанбаева 48 жашта. Ал Ысык-Көл облусунун Түп районундагы Санташ айылында туулуп, мектепти аяктары менен Каракол шаарындагы медициналык училищеде билим алган. Кийин Ишеналы Арабаев атындагы Кыргыз мамлекеттик университетинин педагогикалык факультетин аяктаган. Жубайлардын айрым булактарда беш, айрымдарында төрт баласы бар экени айтылат. Бирок Айгүл айым маектеринин биринде беш баласы бар экенин, алардын бири жол кырсыгынан келинчеги менен каза тапкан кайнисинин уулу Ринат экенин айткан. Калган балдары Дастан, Рустам, Ринат, Нурдөөлөт жана кызы Жанайым.

Жаңылыктар түрмөгү
0