БИШКЕК, 13-дек. — Sputnik. АКШда азыркы президент Дональд Трамптын тарапташтары менен демократ Жо Байдендин митингге чыккан шайлоочуларынын тынчтык акциясы мушташ, ок атышуу менен аяктады. Бул тууралуу NBC телеканалы кабарлады.
Окуя Вашингтон штатынын Олимпия шаарында болгон. Анда бир адамга ок тийген. Шаардагы полициянын сержанты Даррен Райттын айтымында, ок чыгарган адам колго түшүрүлдү.
First fight breaks out between Back the blue / stop the steal protesters and Portland / Washington counter-protesters. Olympia Police are standing by. Unlawful assembly declared. #Portland #Antifa #washington #fight pic.twitter.com/VCbFxVZePP
— Independent Media PDX (@NDpendentPDX) December 12, 2020
Күч түзүмдөрүнүн өкүлү эки тарап тең кагылышууга жакшы даярданып чыкканын белгиледи.
"Эки митингдин тең катышуучулары куралдарын даярдап алышкан. Бир күн ичинде башка да кагылышуулар болгон", — деди Райт.
#BREAKING: Firearm discharged during pro-Trump protest in Olympia, Washington pic.twitter.com/cxCOS7qAZb
— I.E.N. (@BreakingIEN) December 12, 2020
Кагылышуу Вашингтондун борборунда да катталган. Колумбия аймагынын өзгөчө кырдаалдар кызматынын өкүлү Дуга Бушанан төрт адам оор жаракат алганын билдирди.
Акцияга жалпы миңдей адам чыкканы айтылды. Жыйынтыгында митингдин 23 катышуучусу кармалган. Анын ичинен алты киши полицияга кол салган деп айыпталса, төртөөнө массалык башаламандык уюштурду деген кине коюлду.
