БИШКЕК, 5-окт. — Sputnik. Парламенттик шайлоого катышып, бирок жеңишке жетпей калган беш партия биригип жатканын жар салды.
"Мекен ынтымагы", "Чоң казат", "Ордо", "Ыйман нуру" жана "Реформа" партияларынын лидерлери бир муштумга бириге турганын айтып жаткан видеону "Короче" Telegram-каналы жарыялады.
Алар шайлоону мыйзам бузуулар менен өттү деп жыйынтыгын жокко чыгарууну талап кылууда.
Эске салсак, 4-октябрь күнү Кыргызстанда парламенттик шайлоо өттү. Ага 16 партия катышкан. Алдын ала жыйынтыктарга караганда, "Биримдик", "Мекеним Кыргызстан", "Кыргызстан" жана "Бүтүн Кыргызстан" партиялары Жогорку Кеңешке өттү. Болжолдуу жыйынтыктар боюнча, алдыңкы эки партия 120 мандаттын 91ине ээ болгону турат.
Шайлоодон кийинки абал тууралуу Sputnik Кыргызстан агенттиги жүргүзүп жаткан тексттик трансляциядан окуй аласыздар.
