БИШКЕК, 22-июл. — Sputnik. ИИМдин Ички күчтөрүнүн штаб жетекчиси — командачынын орун басарлыгына Дамир Алыбаев дайындалды. Бул туурасында аталган министрликтин маалымат кызматынан кабарлашты.
Белгилей кетсек, Сооронбай Жээнбеков 2018-жылдын 10-сентябрында "Кыргызстандын ички аскери жөнүндөгү" жарлыкка кол койгон. Ага ылайык, Ички аскерлер Улуттук гвардиянын курамынан чыгарылып, Куралдуу күчтөрдүн тутумуна кирген.
Ал эми кийинки учурдагы жетекчи болуп дайындалган 41 жаштагы Алыбаев Кыргызстандын куралдуу күчтөрүнүн подполковниги. 2000-жылы ИИМ академиясын, 2012-жылы Россиянын Коргоо министрлигинин Аскер университетин аяктаган.
Ички аскерлерде кызматын кайгуул ротанын взвод командири болуп иштөөдөн баштаган.
Үй-бүлөлүү, үч баланын атасы.
2014-жылы Улуттук гвардиянын карамагына киргенге чейин Ички аскерлер тапшырылган объектилерди кайтаруу, жарандардын, мамлекеттин жана коомчулуктун кызыкчылыгын коргоо милдетин аткарып келген.
