БИШКЕК, 25-май – Sputnik. Казакстандын Караганда шаарындагы Борбордук паркта катуу шамал батутту балдар менен кошо учуруп кетип 11 жаштагы жеткинчек каза тапты. Дагы 2 бала жаракат алган. Бул тууралуу Sputnik Казакстан жазды.
Маалыматка караганда, бүгүн, 25-майда, кечке жуук шаарда катуу шамал башталган. Бирок батут ээлери билет сатууну токтотушкан эмес.
Күбөлөр билдиргендей, катуу шамал батутту асманга учуруп, конструкция оодарылып кеткен. 11 жаштагы бала 10 мүнөттөн кийин эс учун жоготкон абалда табылган.
“Окуянын кесепетинен жеткинчек алган жаракатынан улам жеринде каза тапты. Дагы эки бала түрдүү жаракат алып, ооруканага жеткирилди”, - деп айтылат маалыматта.
Посмотреть эту публикацию в Instagram
Аталган факты боюнча Кылмыш жаза кодексинин “адам өлүмүнө алып келген, коопсуздук эрежелери сакталбастан көрсөтүлгөн кызмат” беренси боюнча кылмыш иши козголду.
