БИШКЕК, 5-фев. — Sputnik. Башкы прокуратура маркум Камила Дүйшөбаеванын кылмыш ишин иликтөөгө тоскоолдук жараткан деп издөөгө алынып, АКШдан кармалган Калыбек Элтуйбасовду (Салянов) Кыргызстанга экстрадициялоо боюнча АКШга сурам жөнөткөн эмес. Бул тууралуу Башкы прокуратуранын маалымат кызматы билдирди.
Жунушалиевдин журналисттер үчүн уюштурган 5-февралдагы маалымат жыйынында министрдин ыкчам иликтөө боюнча орун басары Мирлан Каниметов Калыбек Элтуйбасовду (Салянов) Кыргызстанга экстрадициялоо боюнча Башкы прокуратуранын линиясы аркылуу АКШга сурам жөнөтүлгөнүн билдирген болчу.
"Жогоруда аты аталган кишини экстрадициялоо боюнча АКШнын компетенттүү органдарына тийиштүү сурам жөнөтүлгөн эмес. Себеби Кыргызстан менен АКШнын ортосунда мындай кызматташуу боюнча келишим жок", — деп айтылат маалыматта.
Андан сырткары, Ички иштер министрлиги тарабынан Башкы прокуратуранын дарегине Элтуйбасовду экстрадициялоо боюнча тийиштүү материалдар түшкөн эмес.
Эскерте кетсек, Аида Салянованын тууганы Калыбек Элтуйбасов 25-декабрда кармалган.
2016-жылы 21-ноябрда министрликтин кийинки жетекчиси Жунушалиев да кылмыш ишин иликтей тургандыгын айткан.
Милициянын ырасташынча, 2014-жылы 55 жаштагы Калыбек Элтуйбасов 10-мартта сауналардын бириндеги көзөмөл камерадагы жаздырууну өчүргөн. Ага эс алуучу жайдын жетекчиси А.Н. жардам берген. Ошол учурда видео милицияларга дагы керек болгон.
Элтуйбасовго өндүрүштүк тергөөгө тоскоол болгону үчүн сыртынан айып тагылган. ИИМдин башкы иликтөө башкармалыгы кылмыш ишин козгоду.
