БИШКЕК, 21-окт. — Sputnik. Түштүк-Казакстан облусунда 38 айыл жоюларын Sputnik Казакстан жазды.
Маалыматта 10го чукул адамдар жашаган калктуу аймактар туурасында сөз болуп жатканы айтылган.
Айылдарды жоюу туурасында Эмгек жана социалдык жактан коргоо министри Мадина Абылкасымова жергиликтүү эл менен жолугуу учурунда билдирген.
"Түштүк-Казакстан облусу чоң аймак. Учурда жашоочуларынын саны 10дон ашпаган 38 айылды жоюу иштери жүрүп жатат. Мамлекет башчы ресурстарды келечектүү айылдарга, райборборлорго жумшап, аны майнаптуу пайдалануу туурасында айтып келет. Жашоочулар канчалык көп болсо, жумуш орду ошончолук арбын түзүлөт да, кичи жана орто бизнестин өнүгүшүнө жакшы", — деп түшүндүргөн министр.
Маалыматта мындай процесс 2013-жылы Жамбыл облусунда болгондугу да жазылган.
