БИШКЕК, 21-июн. — Sputnik. Ысык-Көл милициясынын ЖКККББсынын ага лейтенанты Бакыт Жукалаев Боом капчыгайындагы кафеден төлөбөй койду деген борщтун бир порциясы 130 сом турат.
Буга ЖКККББнын маалымат кызматы тараткан кафенин чегиндеги сандар далил.
Ведомство борщтон башка заказ кылынган тамакка акча төлөнгөнүн далилдөө үчүн чекти жарыялаган болчу. Жалпы сумма 847 сомду түзгөн. Ал эми борщтун баасы 130 сом экени жазылган.
Эске салсак, жума башында ЖКККБнын формасын кийген адам Боом капчыгайында жайгашкан кафелердин биринде тамактанып отуруп, тамакка ыпыр-сыпыр кошуп салган сыяктуу видео интернетке тарап кеткен. Бирок видеонун каарманы, милициянын ага лейтенанты Бакыт Жукалаев бул маалыматты чындыкка коошпойт деп айтып чыккан. Анткен менен бейшемби күнү ал кызматынан алынганы жарыяланды. Буга анын жалпы милиция кызматкерлеринин кадыр-баркына көлөкө түшүргөнү себеп болгон.
