БИШКЕК, 22-мар. — Sputnik. Алабама штатында өлүм жазасын аткаруу үчүн жаңы материалды колдоно башташты. Бул туурасында WHNT19 жазды.
Жергиликтүү парламентарийлер өлүм жазасын аткаруу үчүн азотту колдонууга уруксат берген мыйзамды кабыл алышкан. Жергиликтүү бийликтин айтымында, бул ыкмада адам уктаган боюнча ойгонбой калат.
Ал эми оппозициядагылар мындай жолду колдонгондо адам аркы дүйнөгө кыйналбай кетеби деген суроону берип жатышат. Бул ыкма өлүм жазасын аткаруу үчүн алды кийин колдонулган эмес, аталган элементтин организмге кандай таасир берери белгисиз.
Азот өлүм жазасын ийне саюу менен аткарууга мүмкүн болбогон учурда колдонулары айтылууда.
