БИШКЕК, 1-фев. — Sputnik. Кыргызстандын президенти Сооронбай Жээнбековдун Душанбеге болгон расмий иш сапарынын алкагында тогуз документке кол коюлду.
Эки президент бирдиктүү билдирүү жасагандан кийин документке кол коюшкан.
Андан башка дагы сегиз документке кол коюлган:
Эки өлкө ортосундагы соода-экономикалык кызматташуу программасы;
КР өкмөтүнүн алдындагы экономикалык кылмыштуулукка каршы күрөшүү кызматы менен Тажикстандын экономикалык кылмыштуулукка каршы агенттигинин ортосундагы кызматташуу;
Кыргызстандын жогорку аттестациялык комиссиясы менен Тажикстандын президентинин алдындагы Жогорку аттестациялык комиссиясынын кызматташуусу;
КР саламаттык сактоо министрлиги менен Тажикстандын саламаттык сактоо жана социалдык коргоо министрликтеринин саламаттык тармагындагы кызматташуусу;
КР тышкы иштер министрлиги менен Тажикстандын Тышкы иштер министрлигинин кызматташуу программасы;
КРдин маданият, маалымат жана туризм министрлиги менен Тажикстан өкмөтүнүн теле жана радио берүү комитетинин ортосундагы кызматташуу;
Эки өлкөнүн аймагында жарандардын жүрүшү боюнча өкмөттөр аралык келишим;
Баткен менен Согдий облустарынын 2017-2020-жылдар аралыгында достук мамилелерин чыңдоо программасы.
