БИШКЕК, 6-дек. — Sputnik. Өлкө башчы Сооронбай Жээнбеков Казакстандын президенти Нурсултан Назарбаев менен телефон аркылуу сүйлөштү. Бул тууралуу мамлекет жетекчинин маалымат кызматы билдирди.
Сүйлөшүүнүн жүрүшүндө президенттер Астанада эки өлкөнүн өкмөттөрү кол койгон "Жол картасы" боюнча сүйлөшүүлөрдүн жыйынтыгына канааттанганын айтышкан. Белгилей кетсек, 16 ыкчам мүнөздөгү, 5 кыска мөөнөттүү жана 29 системалуу чараларды камтыган "Жол картага" 2-декабрда кол коюлуп, эртеси кыргыз-казак чек арасы кадимки тартипте иштей баштаган.
Мындан сырткары, өлкө лидерлери Кыргызстан менен Казакстандын алдыдагы эки тараптуу кызматташуулары боюнча пикир алмашышкан.
Телефондук сүйлөшүү кыргыз тараптын демилгеси менен уюштурулганы айтылды.
