БИШКЕК, 24-окт. — Sputnik. "Реал" клубунун оюнчусу Криштиану Роналду 2017-жылдын мыкты футболчусу деп табылды. Бул тууралуу РИА Новости жазды.
Футбол дөө-шааларын тандоо салтанаты дүйшөмбү күнү Лондон шаарында өттү. Бул жеңишке жетүү менен футболчу "Барсанын" жылдызы Лионель Месси жана "Пари Сен-Жермен" клубунун чабуулчусу Неймарды артта калтырды.
Роналду бул жолку сыйлыгынан кийинки сезимдерин өзүнүн Twitter тармагындагы баракчасына жазды.
Amazing feeling to have won this award again. Want to dedicate to my family, my friends, my teammates and coaches from both Real Madrid and Portuguese NT and everyone who supported me. pic.twitter.com/umpYMo1JZg
— Cristiano Ronaldo (@Cristiano) 23 октября 2017 г.
"Бул сыйлыкты дагы бир жолу алуу мага укмуштуу сезимдерди тартуулады. Жеңишимди үй-бүлөмө, досторума, машыктыруучуларыма жана "Реал" клубу менен Португалиянын курама командасындагы кесиптештериме арнайм", — деди ал.
Ушул эле салтанатта "Реалдын" башкы машыктыруучусу Зинедин Зидан дагы жеңишке жетишти. Быйыл Зидандын артында "Челси" менен "Ювентус" клубдарынын машыктыруучулары Антонио Конте менен Массимилиано Аллегри калды.
