БИШКЕК, 16-окт. — Sputnik. Кыргызстанда өткөн презденттик шайлоо өлкө мыйзамдарына жана эл аралык стандарттын эрежелери менен өттү. Бул тууралуу ШКУнун байоочу миссиясынын башчысы жана ШКУнун башкы катчысы Рашид Алимов атайын маалымат жыйында билдирди.
Ал өз сөзүндө өлкө бийлиги адилеттүү атаандаштык болушу үчүн бардык шарттарды түзгөнүн баса белгиледи.
"Кыргызстандын бийлигинин чет элдик байкоочуларды чакырышы өлкөнүн демократияга болгон жолунан кабар берет. Шайлоо ачык-айкын, таза өттү. Шайлоонүн жүрүшү жалпыга маалымдоо каражаттары маалында чагылдырылып турду. Биз БШКнын, аймактык шайлоо комиссияларынын өкүлдөрү жана шайлоочулар менен жолуктук. Алар да шайлоо мыйзамдын алкагында өткөнүн айтышты", — деди ал.
ШКУ байкоочулары жалпысынан 189 шайлоо участкаларына барып көзөмөл салышкан. Анын ичинде Кыргызстандын дээрлик бардык аймактарында болгонун айтышты.
Ал ШКУнун байкоочу миссиясы Кыргызстандагы шайлоону ачык-айкын жана демократиялык жол менен өттү деп эсептей турганын билдирди.
Алимов, андан сырткары, шайлоо участкалары атайын салтанат менен ачылып, өлкө гимни менен ачылып, шайлоочуларды да толкундантканын белгиледи.
