БИШКЕК, 7-сен. — Sputnik. Индонезиялык Мохаммад Кахмим Сетяван 9 миң чакырым жолду жөө басып өтүп, Мекке жана Медина шаарларына ажылык парзын аткарууга барган. Бул тууралуу РИА Новости жызып чыкты.
Зыяратчы 2016-жылдын 28-августунда Индонезиянын Пекалонган шаарынан чыгып, күнүнө 50 чакырым жолду басып өтүп турган. Ал түндөсү гана жол жүрүп күндүзү мечиттерде, коомдук жайларда, жергиликтүү жашоочуларын үйүндө эс алган. Айрым учурда токойлордо да жатып калганын айткан.
Сауд Аравиянын Маданият жана маалымат министрлигинин маалыматы боюнча бул жылы Меккеге барган зыяратчылардын эң улуусу индонезиялык Ибу Мариах Маргани Мухаммад атуу 104 жаштагы аял.
