БИШКЕК, 15-авг. — Sputnik. Сауд Аравия учурда 445 миң 390 зыяратчыны учак аркылуу кабыл алды. Бул тууралуу муфтият билдирди.
Маалыматка ылайык, эки миңге жакын адам унаа аркылуу келген. Бул өткөн жылдагы көрсөткүчтөн 13 пайызга көбүрөөк.
Ал эми быйыл Кыргызстандан ажылык сапарга 4585 жаран аттанат. Учурда Кыргызстандан Сауд Аравияга сегизинчи каттам Ош — Медина багыты боюнча учуп кетти.
Бүгүнкү күндө Мекке жана Медина шаарында Кыргызстандан 2400 жаран өздөрүнүн ажылык парздарын өтөй баштады. Ал эми калган жети каттам Ош-Жидда багыты боюнча 20-августка чейин жүргүзүлөт.
