Караталова: Орус-кыргыз өнүктүрүү фондусунун насыясы менен заводдор курулду
Орус-кыргыз өнүктүрүү фонду берген насыянын арты менен заводдор курулду. Бул тууралуу аталган фонддун төрагасынын кеңешчиси Жылдыз Караталова Sputnik Кыргызстан радиосуна маек куруп жатып билдирди.
Анын айтымында, фонд 31 ири долбоорду каржылаган.
"Фондубуз түзүлгөндөн бери бир нече долбоорлорду каржылап келет. Алардын ичинен эң көлөмдүүсү 31ге жетти. Буюрса, ал долбоорлордун алды жемишин бере баштады. Алсак, консерва заводу өткөн аптада ишке берилди. Буюрса ал жерде кыям, компоттор жасалып, экспортко даярдалат", — деди Караталова.
Ал жыл соңуна чейин бир канча завод иштеп калаарын кошумчалады.
