БИШКЕК, 22-авг. — Sputnik. Астанада өтүп жаткан көк бөрү боюнча дүйнө биринчилигинде ат салышып жаткан кыргызстандык көк бөрүчүлөр бүгүн өзбекстандык атаандаштары менен беттешет.
Көк бөрү федерациясынын маалыматы боюнча оюн саат 12.00дө башталмакчы.
Эскерте кетсек, кечээ саат 18.30да кыргызстандык жигиттер Монголиянын командасы менен оюн талаасына чыгып, атаандаштарын 4:0 эсебинде жеңип алышты.
Чемпионат "ЭКСПО-2017" эл аралык көргөзмөсүнүн алкагында "Казанат" стадионунда өтүүдө. Ага 12 мамлекеттин командалары ат салышып жатат.
