Пульмонолог: булганган аба кан басымды да көтөрөт
11:04 10.09.2026 (Жаңыртылды: 11:16 10.09.2026)
Пульмонолог: булганган аба кан басымды да көтөрөт
Жазылуу
Коноктор
Нурдин Шакиев, Мирсаид Миррахимов атындагы Улуттук кардиология жана терапия борборунун дем алуу системасынын ооруларын диагностикалоо жана дарылоо боюнча адиси, врач-пульмонолог
Булганган аба өпкөгө гана эмес жүрөккө да терс таасирин тийгизет. Бул тууралуу “Спутниктен сүйлөйбүз” уктуруусунда врач-пульмонолог Нурдин Шакиев айтты.Анын айтымында булганган абадагы бөлүкчөлөр өпкөгө чогула берип, өнөкөт өпкө оорусун пайда кылат. Өпкөдөгү зат алмашуу да бузулуп, жүрөккө күч келип кан басымды көтөрөт.“Булганган абанын курамында ар кандай зыяндуу заттар — газдар, көмүр кычкыл газы, оор металлдар жана майда бөлүкчөлөр болот. Алардын ичинен PM2.5 бөлүкчөлөрүнө өзгөчө көңүл буруу керек. Себеби алар өтө майда болгондуктан, дем алуу жолдору менен өпкөгө кире алат. Абанын курамындагы кобальт, сымап сыяктуу оор металлдар да адамдын ден соолугуна терс таасирин тийгизиши мүмкүн. Алардын узак убакыт бою организмге таасир этиши өпкө ооруларынын, анын ичинде өпкө рагынын пайда болуу коркунучун жогорулатат”, - деди Шакиев.Ошондой эле ал ашканадагы түтүндөн аялдар көбүнчө өпкө ооруларына чалдыгарын кошумчалады.
