БИШКЕК, 1-авг. — Sputnik. Президент Алмазбек Атамбаев Мамлекеттик жөлөк пулдар жөнүндө мыйзамга кол койгонун өлкө башчынын маалымат кызматы билдирди.
1 Баш оона 2017, 16:12
Жогорку Кеңеш балдардын абалын жакшыртуу максатын көздөгөн мыйзамды 21-июнда кабыл алган.
Мыйзамга ылайык, жаңы төрөлгөн балага мамлекет тарабынан сүйүнчү берилет. Андан сырткары, 3 жашка чейинки балдарды кароо үчүн жөлөк пул бөлүнөт. Мындай жардам 3 жаштан 16 жашка чейин үчтөн ашык баласы барларга гана тиешелүү.
Жөлөк пулдун көлөмүн өкмөт жыл сайын бюджеттин мүмкүнчүлүгү менен экономикалык абалды эске алуу менен белгилейт.
Мыйзам 2018-жылдын 1-январынан тарта күчүнө кирет.
