Чычкан капчыгайында (Жалал-Абад облусуна караштуу Токтогул району) жекшембиде, 30-июль күнү, мазут жүктөп бараткан цистерна оодарылып калганын күбө Sputnik Кыргызстан агенттигине WhatsApp каналы аркылуу билдирип, кырсык болгон жерден алынган видео жиберди.
Мамлекеттик органдар аталган фактыны ырастап, кырсык Бишкек — Ош жолунун 264-чакырымында болгонун маалымдады.
Жүк ташуучу унаа цистернасы менен борбор калаага бет алган. Жолдон унаанын тормозу иштебей калгандыктан цистерна ажырап, оодарылып кеткен. Натыйжада анын ичиндеги 36 тонна мазут төгүлүп, 30 миң сомдук зыян келтирилди.
ӨКМден маалымдашкандай, жолду Транспорт жана жолдор министрлигинин кызматкерлери тазалаган.
