БИШКЕК, 27-июл. — Sputnik. Ош шаарында облус казыяты тарабынан муктаж болгон 70 үй-бүлөгө жардам көрсөтүлдү. Бул тууралуу муфтияттан билдирди.
Маалыматка ылайык, битир-садакадан түшкөн каражаттын 59 миң 500 сомуна азык-түлүк алынып, колунда жок үй-бүлөлөргө таратылып берилген.
Жардамды тапшыруу учурунда облус казысы Самидин кары Атабаев бардык жардамга муктаж жарандарды турмуштагы келген сыноолорго сабырдуу болуп, дайыма жакшылыкты үмүт кылууга чакырды.
Ал эми Талас облустук казыяты болсо жакыр үй-бүлөлөргө 40 миң сом өлчөмүндө жардам берди. Аталган каражат да битир-садакадан чогулган.
