БИШКЕК, 4-июл.— Sputnik. Баварияда (Германия) катталган ири жол кырсыгында каза болгон жана жабыркаган адамдардын арасында Кыргызстандын жарандары жок. Бул тууралуу Тышкы иштер министрлигинин маалымат кызматы кабарлады.
Эске салсак, дүйшөмбү күнү туристтер түшкөн автобус жүк ташуучу автоунаа менен кагышып, 18 адам каза болгон. Өрттөнүп кеткен жүргүнчү ташуучу унаада эки айдоочу жана 46 адам бар эле. Ал эми жүк ташуучу унаанын айдоочусу жабыркаган эмес.
ТИМ бул маалыматты Бавариянын "Хоф" районундагы полиция кызматкерлеринин билдирүүсүнө таянып билдирди.
