Бишкектеги аң-чөнөктөр айдоочуларды түйшүккө салды. Видео

© © фото очевидца, отправленное по Whats App-каналуЛев Толстой менен Термечиков көчөлөрүнүн кесилишинде жолдогу чөнөк
Лев Толстой менен Термечиков көчөлөрүнүн кесилишинде жолдогу чөнөк - Sputnik Кыргызстан
Жазылуу
Окурман Лев Толстой менен Термечиков көчөлөрүнүн кесилишиндеги тереңдиги жарым метрге жеткен чуңкурлар айдоочуларга оңтойсуздук жаратып жатканын билдирди.

БИШКЕК, 1-июн. — Sputnik. Шаардык кызматтар Лев Толстой менен Термечиков көчөлөрүнүн кесилишинде ремонт иштерин жүргүзүү үчүн жолду казып, ошону менен тегерек-четин тоспой калтырып коюшкан. Бул тууралуу Sputnik Кыргызстан агенттигине окурман WhatsApp каналы аркылуу билдирди.

"Лев Толстой көчөсүндөгү чуңкурлар бир нече күн мурун пайда болгон, эми ал жарым метрге чейин чөгүп кетти. Чуңкурлар көп кабаттуу үйлөрдүн кире беришинде жайгашкан. Буга байланыштуу жергиликтүү тургундар унаасы менен каршы тилкеге чыгууга аргасыз. Ал эми шаардык кызматтар ремонт иштерин жүргүзүүгө шашкан жок", — деди күбө.

"Бишкекасфальтсервис" ишканасынын жетекчиси Мирлан Амантуров Sputnik Кыргызстан агенттигинин кабарчысына аң-чөнөктөрдү оңдоо иштери жүрүп жатканын тастыктады.

"Тереңдиги жарым метрге жеткен чуңкурлардын болушу мүмкүн эмес. Алты сантиметрге чейин гана уруксат берилет. Бирок биз маалыматты текшерип, оңдоо иштерин бүтүрөбүз", — деди Амантуров.

Ал ошондой эле оңдоо иштери дагы төрт күнгө созуларын кошумчалады.

Жаңылыктар түрмөгү
0
Алгач жаңыларыАлгач эскилери
loader