Ошентип адам өмүрүн алган окуяда кайрадан "кыргыз изи" пайда болду. Мындан улам Sputnik агенттиги кыргызстандыктардын же өлкөдө туулуп кеткендердин терактыга катыштыгы бар деп шектелген учурларды эстеп көрүүнү чечти.
Эмне үчүн Кыргызстан аты терактыларда көп аталып калды?
Саны жагынан анча көп эмес элине карабай Кыргызстандын аты терактыларга байланыштуу байма-бай айтылып келет. Эксперттердин айтымында, бул эл аралык террористтик топтордун мигранттарды азгыруусуна байланыштуу. УКМК жетекчисинин мурунку орун басары Артур Медетбековдун пикири боюнча Россия, Казакстан менен Түркияда иштеген кыргызстандыктардын саны оголе көп. Мындан улам алардын канчасы экстремисттик идеяга сугарылып жүргөнүн айтуу кыйла кыйын.
"Башка мамлекеттердин бийлиги экстермисттик идеяга берилген адамдарды бир нече критерий менен карайт. Борбордук Азиядан баргандар №1 категорияга кирет. Бул топко негизинен Кыргызстан, Өзбекстан, Россия жана Тажикстандын жарандары кирет. Аларга коюлган кине буга чейинки анализден улам коюлуп келет", — деди Медетбеков.
УКМКнын ардагери Алишер Абдесов көбүнчө жумушу жоктор жана караңгы адамдар көбүрөөк азгырууга туш болорун белгилейт. Аларды ар кайсы өлкөдөгү, ошондой эле Европа мамлекеттериндеги террористтик ячейкалар бат эле өзүнө тартып алат.
Адистердин айтымында, радикалдык маанайдагы жарандар Кыргызстанга кайтып келип, чабуулга өтүшү мүмкүн. Өзгөчө кооптуулук жалгыз жүргөн террорчулар тарабынан болот. Улуттук коопсуздук боюнча органдарынын мурунку кызматкерлери жергиликтүү чекисттерге агентура жаатындагы ишти күчөтүүнү, интернет аркылуу жайылган радикалдык маанайдагы билдирүүлөрдү эске алууну эскертет.
