БИШКЕК, 5-апр. — Sputnik. Санкт-Петербургда Орто Азиядан келген алты киши кармалды. Алар жарандарды террордук аракеттерди жасоого үгүттөп жүргөнү Россиянын тергөө комитинин сайтында жарыяланды.
Үгүтчүлөрдүн жашаган жерин тинтүү учурунда экстремисттик адабияттар жана тергөөгө жардам бере турчу башка буюмдар табылган.
Тергөө комитети кармалгандар кимдер менен баарлашып, кимдер менен катышып жүргөнүн текшерүүдө. Алардын метродо жардыруу жасагандар менен байланышы аныктала элек.
КР ИИМдин Россиядагы расмий өкүлү Асхат Алиев азырынча бул боюнча эч кандай маалымат жок экенин билдирди.
Бул фактынын негизинде Россиянын Тергөө комитети теракт боюнча кылмыш ишин козгоду. Жардыруу жасады деп Россиянын 22 жаштагы тургуну шектелип, анын Кыргызстандын Ошто төрөлгөнү да айтылууда.
