2040-жылы Улуу Кыргыз каганатынын 1200 жылдыгы, Кыргызстан эгемендүүлүгүнүн 50 жылдыгы белгиленет. Мындан улам республика ошол мезгилге чейин багытын, барар жолун тандап алышы керек. Бул тууралуу президент Алмазбек Атамбаев Кыргызстанды туруктуу өнүктүрүү боюнча улуттук кеңештин жыйынында айтты.
"Элүү жылда эл жаңы деген сөз бар. 2040-жылга чейин кыргыз эли кандай максаттарды ишке ашырып, кандай жолду тандашы керек деген суроого жооп бере турган жол картасын түзүп алуу зарыл. Ошондо гана эл бузарлар калкты туура жолдон адаштыра албай калат", — деди өлкө башчы.
Улуттук кеңештин жыйынында Атамбаев мындан сырткары, ЕАЭБге кошулуунун жыйынтыктары, чет жакта иштеген мигранттардын укугу, элдик курултай чакыруу тууралуу айтты.
