БИШКЕК, 3-апр. — Sputnik. Президент Алмазбек Атамбаев Кыргызстанды туруктуу өнүктүрүү боюнча улуттук кеңештин жыйынында Евразиялык экономикалык биримдикке каршы чыгып жаткандарды сынга алды.
Өлкө башчы өз сөзүндө улуттук кызыкчылык жагынан алып караганда ЕАЭБге кирүү жемиштүү болгонун баса белгиледи.
"Интеграциясыз өлкө өнүгө албайт болчу. Биз 700 миң эмгек мигрантынын кызыкчылыктарын коргой алдык. Бул дагы мамлекеттик кызыкчылык. Алар кулдай болуп иштешчү. Андыктан биримдикке каршы чыгып жаткандар аларды дагы ойлошу керек", — деди Атамбаев.
Эске салсак, Кыргызстан ЕАЭБге 2015-жылы мүчө болгон.
