БИШКЕК, 17-мар. — Sputnik. Ньон шаарында (Швейцария) өткөн чучукулак кармоонун жыйынтыгында Чемпиондор лигасынын чейрек финалына чыккан командалардын атаандаштары аныкталды.
Чейрек финалга сегиз команда чыккан. Алар — "Реал Мадрид", "Ювентус", "Атлетико", "Барселона", "Лестер Сити", "Бавария", "Монако" жана "Боруссия Дортмунд".
Ошентип командалардын каршылаштары төмөндөгүдөй болду:
- "Атлетико" (Испания) — "Лестер Сити" (Англия);
- "Боруссия Дортмунд" (Германия) — "Монако" (Франция");
- "Бавария" (Германия) — "Реал Мадрид" (Испания);
- "Ювентус" (Италия) — "Барса" (Испания).
Чейрек финалдык оюндар апрелден тарта башталат.
