БИШКЕК, 31-янв. — Sputnik. Бишкек шаарындагы окуучу кыздар арасында баскетбол боюнча мектеп лигасынын алкагында мыктылар аныкталганын мэриядан билдиришти.
Маалыматка ылайык, 28-январда Арча-Бешик жаңы конушундагы дене тарбия комплексинде баскетбол боюнча кыздар арасындагы мелдеш аяктап, биринчи орунду №16 мектептин командасы ээлесе, экинчи орунду №11 мектептин командасы, үчүнчү орунга №31 мектептин кыздары татыды.
Мелдешке 16 команда катышып, ал Бишкек шаарынын дене тарбия жана спорт боюнча башкармалыгы тарабынан уюштурулган.
