БИШКЕК, 26-янв. — Sputnik. Президент Алмазбек Атамбаев бүгүн "Ала-Арча" резиденциясында авиакырсыктан жабыркагандар жана жакындарын жоготкондор менен жолукту. Бул тууралуу өлкө башчынын маалымат кызматы билдирди.
Эскерте кетсек, кырсык 16-январда таң эрте болгон. Гонконгдон Стамбулду көздөй келе жатып, "Манас" аэропортуна май куюу үчүн токтомок болгон жүк ташуучу учак Дача айылына кулап түшкөн. Натыйжада 39 адам каза тапкан.
Жолугушуу аза мүнөтү менен башталып, маркумдарга куран окулду. Иш-чара өкмөт мүчөлөрүнүн катышуусу менен өттү.
Президент Алмазбек Атамбаев бейшемби күнү авиакырсыктан жабыркагандар менен жолугуп, ал-абалын сурады
Каргашалуу алаамат 39 кишинин өмүрүн алып, 20дан ашуун үйдү жараксыз абалга келтирди
Жолугушуу аза мүнөтү менен башталды
Иш-чарага өкмөт мүчөлөрү катышып, президенттен бир катар тапшырмаларды алышты
Жолугушууга келгендердин бири карачечекей балдарынан айрылса, дагы бири опол тоодой ата-энесин жоготуп... Айрым үйдөн бир күндө үч-төрттөн сөөк чыгып, кабырганы кайыштырып жатты...
Ата-энесинен, бир туугандарынан айрылган наристе...
Өлкө башчы келгендердин ар бири менен сүйлөшүп, көйгөйлөрүн укту
Президент апааттын биринчи күнүнөн баштап окуя жеке көзөмөлүндө экенин белгиледи
Жолугушууда курман болгондордун үй-бүлөлөрүнө жана жапа чеккендерге жардам берүү чаралары талкууланды
Бир да бала көӊүл сыртында, камкорсуз калбоого тийиш...
Сен эми жамы журттун уулусуң, аман бологой!
Маркумдарга багыштап Алмазбек Атамбаев өзү куран окуду
