БИШКЕК, 23-янв. — Sputnik. Учурда кыргыз-тажик чек арасындагы абал тынч экендиги тууралуу Мамлекеттик чек ара кызматынан кабарлашты.
Белгилей кетсек, кечээ түштөн кийин Көк-Таш айылында эки мамлекеттин балдары кермур айтыша кетип, бир-бирине таш ыргытышкан.
"Чек арада абал тынч. Чек арачылар кызматтарын штаттык режимде аткарып жатышат. Окуя курчуп кетпеши үчүн эки өлкөнүн Чек ара кызматтары аймакты биргеликте көзөмөлгө алышууда", — деп айтылат маалыматта.
Учурда эки тарап элге түшүндүрүү иштерин жүргүзүп жатат.
