БИШКЕК, 22-янв. — Sputnik. Кыргыз-тажик чек арасында абал тынч экенин Баткен районунун акими Кеңеш Салихов Sputnik Кыргызстан агенттигине билдирди.
Салиховдун айтымында Көк-Таш айылында эки мамлекеттин балдары кермур айтыша кетип, бир-бирине таш ыргытышкан. Анын себебин азыр укук коргоо органдарынын кызматкерлери териштирүүдө.
"Чек арада абал тынч. Эч кандай кооптуулук жок. Азыр жүзгө жакын милиция кызматкери келип абалды көзөмөлдөп жатышат", — деди ал.
Белгилей кетсек бүгүн түштөн кийин Көк-Таш айылында кыргыз жана тажик жаштары ортосунда чыр чыкканы маалымдалган.
