БИШКЕК, 18-янв. — Sputnik. Жаңы вице-спикер болуп "Кыргызстан" фракциясынын депутаты Данияр Төлөнов шайланышы мүмкүн. Бул тууралуу Sputnik Кыргызстан агенттигине мурунку вице-спикер Нурбек Алимбеков билдирди.
Белгилей кетсек, Алимбеков Тайванга барып келгенден кийин Кытай менен Кыргызстандын ортосундагы алака-катнашка доо кетпесин деген ниет менен аталган кызматтан кеткенин жар салган. Ал Тайванга жумушчу сапар менен барган деп айыпталган. Учурда Кытай менен Тайвань бири-биринин эгемендүүлүгүн тааныбай келет. Ал эми Кыргызстан Кытай менен алака курат.
"Учурда фракция Данияр Төлөновдун талапкерлигин кароодо", — деди Алимбеков.
"Маалыматтан эрте кетпей туралы. Фракция талапкерлерди карап жатат. Буюрса, эртең белгилүү болот", — деди Төлөнов.
"Кыргызстан" фракциясы көпчүлүк коалициясына кирип, вице-спикердин бирин дайындоо партиянын энчисине тийген.
