Учактын кулашына байланыштуу Кыргызстанда аза күтүү жарыяланды

© AFP 2021 / VYACHESLAV OSELEDKOТраурга байланыштуу түшүрүлгөн мамлекеттик туу. Архив
Траурга байланыштуу түшүрүлгөн мамлекеттик туу. Архив - Sputnik Кыргызстан
Жазылуу
2017-жылдын 16-январында Гонконг — Стамбул каттамы боюнча учкан учак "Манас" аэропортуна май куюу үчүн конуп жатып кырсыктап, Дача-Суу айылына кулап түшкөн. Анын кесепетинен отуздан ашык киши каза болуп, жыйырмадан ашык үй жабыркаган.

БИШКЕК, 16-янв. — Sputnik. Президент Алмазбек Атамбаев Boeing-747 жүк ташуучу учагынын авиакырсыкка учурашынын кесепетинен каза болгондор боюнча Кыргызстанда 17-январь аза күтүү күнү деп жарыялаган Жарлыкка кол койду. Бул тууралуу өлкө башчынын маалымат кызматы билдирди.

Эске салсак, 2017-жылдын 16-январында Гонконг — Стамбул каттамы боюнча учкан учак "Манас" аэропортуна май куюу үчүн конуп жатып кырсыктап, Дача-Суу айылына кулап түшкөн. Анын кесепетинен отуздан ашык киши каза болуп, жыйырмадан ашык үй жабыркаган.

"Көп сандаган адам курмандыктарына алып келген авиакырсык Кыргызстандын бүтүндөй эли үчүн орду толгус оор жоготуу болду. Кыргызстандын мамлекеттик органдары каза болгондордун үй-бүлөлөрүнө жана жабыр тарткандарга колдоо көрсөтүү боюнча чараларды көрүүдө", — деп айтылат маалыматта.

Место крушения самолета под Бишкеком — аэросъемка - Sputnik Кыргызстан
Учак кыйраган абалдын асмандан көрүнүшү
Аталган Жарлыкка ылайык, Кыргызстандын чет жактагы дипломатиялык жана консулдук өкүлчүлүктөрүндөгү туу түшүрүлөт.

Андан сырткары, маданият мекемелерине жана телерадиокомпанияларда оюн-зоок иш-чараларын жана берүүлөрүн токтотуу сунушталат.

Учактын кыйрашы боюнча Башкы прокуратура кылмыш ишин козгоду.

Учактын кыйрашына байланыштуу бардык маалыматтардын топтомун бул жактан окуңуздар>>

Жаңылыктар түрмөгү
0
Алгач жаңыларыАлгач эскилери
loader