БИШКЕК, 29-сен. — Sputnik. Ливан парламенти шаршемби күнү да кворумдун жоктугунан президентин шайлай албай, ал 31-октябрга жылдырды. Бул туурасында Sputnik кабарлады.
Аталган өлкө 2014-жылдан Мишель Сулеймандын президенттин мөөнөтү бүткөндөн бери бир ымалага келип, башка президентти шайлай албай келет.
Акыркы таймаш шииттер колдогон 81 жаштагы генерал Мишель Аун менен мурдагы президенттин небереси Сулейман Франжьенин ортосунда болууда. Биринчисин "Хезболлах" менен "Ливан күчтөрү" колдосо, экинчиси сунниттердин "Аль-Мустакбаль" партиясынын сүймөнчүгү. Франжье талапкерлигин батышташкан "Аль-Мустакбалдын" лидери Саада Хариринин сунушу менен алып чыккан.
Ит жыгылыш болгон саясатчылардын акыркы мезгилдери соодалашып, Аун президент, ал эми көмүскөдөгү башкаруучу Хариринин өкмөт башчылыгына макул болгондугу айтылган.
Анткен менен тараптарды тымызын колдогон күчтөр мындай келишимге макул болбогондуктан, бул соодалашуунун ишке ашуусу күмөн жаратууда.
