БИШКЕК, 27-сен. — Sputnik. Азербайжандын Борбордук шайлоо комиссиясы Махахир Панахов өлкөнүн Конституциясына өзгөртүү жана толуктоо киргизүү боюнча референдум максатына жеткенин белгиледи. Бул тууралуу Sputnik Азербайжан жазып чыкты.
"2 миллион 669 миң 448 бюллетень эсептелди, 5627 шайлоо участкасынын 3 950сү отчет берди. Бардык участкалар өз убагында жабылды. Референдум өттү", — деди төрага.
Алдын ала жыйынтык боюнча азербайжандыктар өлкө башчысына парламентти таркатуу боюнча укук беришти. Буга 3,33 миллион киши макулдугун берип, шайлоочулардын 87,4 пайызын түздү.
Дүйшөмбү күнү Азербайжанда Баш мыйзамга өзгөртүүлөрдү киргизүү боюнча референдум өттү. Мында сунушталган толуктоолордо президенттик мөөнөттү беш жылдан жети жылга чейин узартуу, вице-президенттик кызматтарды киргизүү, президенттикке жана депутаттыкка талапкерлердин жаш курагын чектөөнү алып салуу каралган.
Референдумга шайлоочулардын 25 пайыздан көбү катышкандыктан өлкөнүн БШКсы аны максатына жетти деп билдирди.
