БИШКЕК, 24-сен. — Sputnik, Кабыл Макешов. Вьетнамда бүгүн, 24-сентябрда башталган Азия жээк оюндарына Кыргызстандын командасы спортун кум үстүндөгү күрөш, самбо, джиу-джитсу жана муай – тай боюнча катышууга аттанып кетти.
Кезектеги Азия жээк оюндарында Кыргызстандын намысын 11 спортчу коргоп, аларга 4 устат кеп-кеңешин айтып турмакчы.
Муай-тай
- Мирбек Сарткалмаков – КРдин эл аралык спорт чебери (60 кг)
- Бекжан Матысаев – спорттун эл аралык чебери (67 кг)
- Арсен Зарылбеков – КРдин спорт чебери (75 кг)
- Елена Шевченко – машыктыруучу
Самбо күрөшү
- Мамбетжан уулу Урмат – спорттун эл аралык чебери (74 кг)
- Артур Те – спорттун эл аралык чебери (62 кг)
- Апсамат Мукамбетов — машыктыруучу
Джиу-джитсу
- Абдурахманхаджи Муртазалиев – КРдин спорт чебери (85 кг)
- Нуркалый Мирланов – КРдин спорт чебери (69 кг)
- Муртазали Муртазалиев — КРдин спорт чебери (77 кг)
- Солтобек Сулайманов – КРге эмгек сиңирген машыктыруучу
Кум үстүндөгү күрөш
- Данияр Ибраимов – КРдин спорт чебери (70 кг)
- Чыңгыз Керимкулов – КРдин спорт чебери (90 кг)
- Кенжебек уулу Азамат – КРдин спорт чебери (60 кг)
- Виталий Филлиповский — КРге эмгек сиңирген машыктыруучу
Азия жээк оюндарынын таржымалы
Азия жээк оюндары – Азия чөлкөмүндөгү спортчулардын арасында эки жылда бир өтүүчү, Азия олимпиадалык кеңешинин көзөмөлүндөгү спорттук мелдеш.
Алгачкы ирет бул оюндар 2008-жылы Индонезиянын Бали шаарында спорттун 14 түрү 41 өлкөнүн катышуусу менен өткөн. Кийинкилери Оманда, Кытайда, Таиландда өтүп келсе, эми быйыл Вьетнамда башталды. Ал эми кыргызстандык спортчулар буга чейин да аталган оюндарга катышып, Кыргызстандын желегин желбиретип келишкен.
