БИШКЕК, 14-сен. — Sputnik. Япониядан келген мугалимдер тобу Кыргызстандын университеттериндеги англис тилин үйрөткөн мугалимдерге сабак өтүүнүн заманбап ыкмаларын үйрөтүшөт. Бул тууралуу Sputnik Кыргызстан агенттигине Киотск университетинин профессору Бунке Лоуренс Леви билдирди.
Левинин айтымында, мугалимдер тобу алты профессордон түзүлгөн. Алардын үчөө буга чейин Кыргызстанга келип кетишкен.
"Биз мугалимдер коомчулугунун өкүлдөрү болобуз. Аталган коомчулук Канада, АКШ жана Англиядан Японияга келген мугалимдерден түзүлгөн", — деп билдирди Левин.
Анын айтымында, тренинг-семинарлар келечектеги мугалимдерди даярдоо сапатын жакшыртууга багытталган.
"Окутуунун жаңы ыкмалары эл аралык тажрыйбанын негизинде түзүлгөн. Мындай жаңыланууларды аймактардагы мугалимдерге жеткирүү маанилүү", — деп билдирди Леви.
Тренинг 8-12-сентябрь аралыгында Ош менен Жалал-Абадда өттү. Учурда профессорлор Бишкек гуманитардык университетинин мугалимдерин окутуп жатышат.
