Кубат Оторбаев: демилгечилер коомдук пикирге кулак түрүп жатышат
"Мыйзам долбоору Жогорку Кеңештин сайтына илинери менен ар кыл талкуулар уюштурулуп жатты. Мен акыйкатчы катары бир ирет талкууга катыштым. Мындан тышкары, каалоочулар пикирлерин кат аркылуу да жөнөтүп жатышты. Акыйкатчы институту да өз пикирин билдирип кат жөнөткөн. Эксперттик топ биздин сунуштарды эске алып, айрым өзгөртүүлөргө барышты. Бул емилгечилер коомдук пикирге кулак түрүп жатат дегендик", — деди Оторбаев.
Белгилей кетсек, Баш мыйзамга өзгөртүү киргизүү демилгеси КСДП, "Кыргызстан", "Өнүгүү-Прогресс" жана "Республика-Ата-Журт" фракцияларына таандык. Ал эми буга чейин депутат Өмүрбек Текебаев, Роза Отунбаева баштаган убактылуу өкмөттүн мүчөлөрү Конституцияга өзгөртүү киргизүү демилгесине каршы чыгышкан.
