Адахан Мадумаров: Конституция боюнча талкуу президенттин чөйрөсүндө гана болду
"Эгерде Конституцияны өзгөртүүнү каалаган азаматтар үчүн кыргыз журту бул президенттин аппараты менен КСДП фракциясы болсо, анда талкуу соңуна чыкты. Бирок коомду ар ким ар кандай түшүнөт. Мен үчүн кыргыз коому бул алты миллиондон ашуун эл. Жалпы эл эмес, Жогорку Кеңештеги 120 депутат да талкууга катыша элек", — деди Мадумаров.
Белгилей кетсек, КСДП, "Кыргызстан", "Өнүгүү-Прогресс" жана "Республика-Ата-Журт" фракциялары референдум жолу менен Конституцияга өзгөртүүлөрдү киргизүү демилгесин көтөргөн. Бул коомчулукта ар кандай кайчы пикирлерди жаратып келет.
Буга чейин депутат Өмүрбек Текебаев, Роза Отунбаева баштаган убактылуу өкмөттүн мүчөлөрү Конституцияга өзгөртүү киргизүү демилгесине каршы чыгышкан.
