БИШКЕК, 13-сен. — Sputnik. ИИМдин экс-министри жана Күрөш федерациясынын вице-президенти Мелис Турганбаев Польшада боло турган ардагерлер арасындагы эркин күрөш боюнча дүйнөлүк чемпионатта өлкөнүн намысын коргойт. Бул тууралуу аталган федерациядан кабарлашты.
Турганбаевден тышкары өлкөнүн намысын коргоочулардын арасында учурда спорт ардагерлеринин арасындагы дүйнө чемпиону Чынарбек Изабеков да бар.
23 Баш оона 2016, 21:03
ИИМнин мурдагы жетекчиси 76 килограмм салмак категориясында, ал эми Изабеков 97 килограммдык категорияда күч сынашат.
Федерациянын маалыматына ылайык, үчүнчү катышуучунун аты учурда такталып жатат.
Чемпионат 7-9-октябрь күндөрү Польшанын борбору Варшавада өтөт.
ИИМдин мурдагы жетекчиси Мелис Турганбаев Эркин күрөш федерациясынын президенти жана Спорттук күрөш федерациясынын вице-президенти кызматтарын аркалап келет.
