БИШКЕК, 9-сен. — Sputnik. Түркиянын Алания деп аталган туристтик шаарында өлкөнүн аймагында мыйзамсыз жүрдү делген кине менен кыргызстандык үч кыз кармалды. Бул туурасында Нurriyet басылмасы кабарлады.
Кыздарды тартип коргоочулар Ата-Түрк проспектисинде жайгашкан мончосун текшерип жатканда кармап, дароо камакка алышкан.
Тартип коргоо органдары Haberler сайтына кармалгандар 25 жаштагы Назира, 21 жаштагы Ализа жана 26 жаштагы Зинагүл аттуу аял кишилер экендигин билдирген.
Кармалгандарды полиция миграция боюнча бөлүмүнө алып барып, андан ары териштирүү иштерин баштады деп жазды басылма.
