БИШКЕК, 6-сен. — Sputnik. Швециядан келген Мелиса Фейген ушул күндөрү өтүп жаткан Дүйнөлүк көчмөндөр оюндары (ДКО) тууралуу кеп кылды.
Белгилей кетсек, учурда Кырчын жайлоосунда Көчмөндөр оюндарынын конкурстары жана улуттук спорт боюнча жарыштар өтүүдө.
"Кыргызстанга алгачкы ирет келип жатам. Чындыгында табияты абдан кооз экен. Мен көчмөндөрдүн маданиятына мурунтан кызыгып келем. Андыктан бул иш-чара мен үчүн жакшы шарт түзүүдө. Күтүлбөгөн жерден эле сюрприздер болуп, концерт, конкурстар башталып кеткени өзгөчө жакты. Концерттик программалардын арты менен кыргыздардын каада-салтын, маданиятын билип алууга болот", — деди Фейген.
II Дүйнөлүк көчмөндөр оюндары 8-сентябрга чейин уланат.
Sputnik Кыргызстан маалымат агенттиги жана радиосу Дүйнөлүк көчмөндөр оюндарынын расмий медиа өнөктөшү болуп саналат.
